MTRK oshxonalari bo'yicha xodimlardan taklif va shikoyatlarni tartibli shaklda yig'uvchi Telegram bot. Yuborish — 30 soniyada. Kanalga yetib borish — bir soniyada.
Oshxonalar xizmati haqidagi shikoyatlar qayerda, qaysi bo'limda, qaysi kategoriyada ekani hech bir joyda tizimli qayd etilmasdi. Rahbariyat qaror qabul qilishda raqam va tendensiyalarga ega emas edi.
Xodim shikoyat bildirishdan iymanardi — yuzma-yuz yoki rahbarga to'g'ri aytish noqulay. Haqiqiy fikr aytilmasdan qolardi.
"Bugun ovqat yaxshi edi" yoki "narxlar oshib ketdi" — og'zaki aytiladi: eshitgan unutadi, eshitmagan esa bilmaydi.
Qaysi oshxonada qancha shikoyat bor — noma'lum. Menyuni o'zgartirish, narx belgilash, xodim qo'shish qarorlari ma'lumotsiz qabul qilinardi.
@mtrk_takliflar_bot — MTRK oshxonalari uchun maxsus Telegram-bot. Xodim telefonida botni ochadi (yoki devordagi QR kodni skanerlaydi), bo'limni tanlaydi, murojaat turini tanlaydi, fikrini yozadi. Murojaat avtomatik ravishda ichki kanalga yetkaziladi — joyi, turi va hashtaglari bilan birga.
Foydalanuvchi shaxsi ichki kanalda faqat administratorlarga ko'rinadi. Botda xodimga "anonim qolasiz" deya kafolat beriladi.
Joy, bo'lim, tur, izoh, vaqt, hashtaglar — har bir murojaat bir xil shaklda, tahlilga yaroqli tarzda saqlanadi.
Xodim uchun: yuborish 30 soniyada. Rahbar uchun: kanalga yetib borish — bir soniyadan kam.
Bot interfeysining har bir qadami, xodim ko'radigan haqiqiy ekranlar bilan:
/start bosiladi. Uchta bino ko'rinadi: Mediamarkaz, Telemarkaz, Radio uyi.
Binodagi bo'limlar ro'yxati: qaysi oshxona, bufet yoki vend market.
Joyning haqiqiy rasmi bilan birga — tasdiqlash. Keyin oltita kategoriyadan biri tanlanadi.
Matn, rasm, video yoki ovozli xabar — har qanday format qabul qilinadi.
Xodimga minnatdorchilik, kanalga avtomatik yuboriladi — hashtag bilan birga.
Har bir oshxona, bufet va vend-apparat devorida o'ziga xos QR kod joylashtiriladi. Xodim telefon kamerasini yo'naltiradi — bot avtomatik ravishda shu bo'lim uchun murojaat rejimiga o'tadi.
QR kod yonida bo'lish shart emas. Xodim botni ochib /start bosadi va menyu orqali binoni hamda bo'limni tanlaydi.
Xodim va rahbariyat adashmasligi uchun har bir bo'limning joy rasmi qo'yilgan. Yangi bino yoki bo'lim qo'shish admin panelda amalga oshiriladi.
Har bir murojaat tegishli kategoriyaga biriktiriladi. Admin panelda turlar qo'shiladi yoki o'chiriladi.
Kanaldagi post tarkibi: joy, turi, foydalanuvchi, sana va izoh. Hashtaglar orqali kategoriya yoki bino bo'yicha bir bosishda filtrlanadi.
Yangi murojaat ichki Telegram kanalga o'sha daqiqada tushadi. Kechikish yoki qo'lda ishlov berish shart emas.
Faqat "Ovqat sifati" ni ko'rish uchun — #ovqat_sifati. Bino bo'yicha xuddi shunday: #mediamarkaz.
Admin panelda: qaysi oshxonada nechta murojaat, qaysi kategoriyada qancha va umumiy hisobot — bir bosishda ko'rsatiladi.
Bosh administrator qo'shadi, o'chiradi va boshqaradi. Qolgan rahbarlar esa faqat statistikani ko'ra oladi.
/admin buyrug'i — bosh administrator uchun. Binolar va bo'limlarni qo'shish, o'chirish, turlar va statistika — hammasi bitta menyuda jamlangan.
Bosh admin uchun to'rtta bo'lim: joylar, turlar, statistika va yopish.
Har bino uchun QR link, bo'limlar ro'yxati, qo'shish va o'chirish imkoniyati.
Jami murojaatlar soni, joylar va turlar bo'yicha taqsimlanish — barcha adminlar ko'ra oladi.
Telegram botlar, veb-saytlar va mobil ilovalar yaratish bo'yicha ixtisoslashgan mutaxassis. MTRK uchun bu loyiha — arxitekturadan tortib serverga joylashtirishgacha to'liq mustaqil amalga oshirilgan.
ravshanjon.uz →